TERMAT DHE KUSHTET E PËRGJITHSHME

TË OFRIMIT TË SHËRBIMEVE POSTARE

BOXES LLC

1. EMRI DHE VENDI I OFRUESIT TË SHËRBIMIT

Ofruesi i shërbimeve postare është:

Boxes LLC, me seli në Republikën e Kosovës.

Boxes ofron shërbime postare jo-universale në përputhje me autorizimin e lëshuar dhe legjislacionin në fuqi.

2. LISTA E SHËRBIMEVE TË OFRUARA

Boxes ofron:

• Pranimin e dërgesave postare me karakter komercial

   

• Transportimin e dërgesave

   

• Dorëzimin përmes pikave fikse të tërheqjes

   

• Ruajtjen e përkohshme të dërgesave

   

• Njoftimin e marrësit

   

• Administrimin e tërheqjes

   

• Inkasimin e shumës së deklaruar në momentin e dorëzimit, kur aplikohet

   

• Rakordimin financiar me dërguesin (dyqanet online)

   

• Ofrimin e infrastrukturës së pikave për kompani korriere të autorizuara

   

3. ZONA E OFRIMIT TË SHËRBIMEVE

Shërbimet postare ofrohen në territorin e Republikës së Kosovës.

4. MËNYRAT DHE KUSHTET E OFRIMIT TË SHËRBIMEVE

Dërgesat pranohen mbi bazë kontraktuale me dyqanet online ose me kompani korriere të autorizuara.

Dorëzimi realizohet përmes pikave fikse të tërheqjes.

Marrësi njoftohet për disponueshmërinë e dërgesës.

Tërheqja realizohet pas verifikimit me kod unik.

Afati maksimal i ruajtjes së dërgesës në pikë është 7 ditë pune, duke filluar nga dita e regjistrimit të dërgesës në pikën e tërheqjes, përveç rasteve kur me marrëveshje të veçantë ndërmjet palëve përcaktohet ndryshe.

Në rast mos-tërheqjeje brenda këtij afati, dërgesa i kthehet dërguesit.

5. KUSHTET E PRANIMIT DHE SHPËRNDARJES

Pranohen dërgesa të kategorive të vogla dhe të mesme.

Pesha maksimale e pranueshme është deri në 15 kg.

Nuk pranohen:

• Substanca të rrezikshme

   

• Materiale të ndaluara me ligj

   

• Artikuj që paraqesin rrezik për sigurinë

   

• Dërgesa me përmbajtje të paligjshme

   

Boxes ka të drejtë të refuzojë dërgesa që nuk përmbushin kushtet e pranimit.

6. MËNYRAT DHE KUSHTET E PAGESËS

Tarifat përcaktohen sipas listës tarifore në fuqi.

Pagesa për shërbimet realizohet mbi bazë kontraktuale me dyqanet online ose me kompani korriere të autorizuara.

Në rast inkasimi në momentin e dorëzimit, shuma e deklaruar nga dyqani online inkasohet dhe regjistrohet në sistem.

Rakordimi financiar realizohet sipas marrëveshjes ndërmjet palëve.

7. PËRGJEGJËSIA DHE KOMPENSIMI I DËMIT

Boxes mban përgjegjësi për dërgesën:

• Nga momenti i pranimit të saj, ose

   

• Në rastin e bashkëpunimit me kompani korriere, nga momenti i regjistrimit të dërgesës në pikën e tërheqjes,

   

deri në momentin e dorëzimit të dërgesës tek marrësi ose kthimit të saj tek dërguesi.

Boxes nuk mban përgjegjësi për:

• Dëme që rrjedhin nga paketimi i papërshtatshëm

   

• Përmbajtje të ndaluar ose të padeklaruar

   

• Vonesa ose dëme si pasojë e forcës madhore

   

• Dëme të tërthorta ose humbje fitimi

   

8. PROCEDURAT PËR ZGJIDHJEN E ANKESAVE

Ankesat mund të paraqiten përmes:

• Numrit të telefonit

   

• Adresës elektronike

   

• Kanaleve zyrtare të komunikimit

   

Ankesa duhet të paraqitet brenda 15 ditëve kalendarike nga data e dorëzimit ose nga data kur dërgesa është dashur të dorëzohej.

Çdo ankesë regjistrohet dhe shqyrtohet.

Përgjigjja jepet brenda 15 ditëve pune nga data e pranimit të ankesës.

Në rast moszgjidhjeje, pala ka të drejtë t’i drejtohet Autoritetit Rregullativ për Komunikime Elektronike dhe Postare.

9. MBËSHTETJA RREGULLATORE

Boxes i nënshtrohet mbikëqyrjes së Autoritetit Rregullativ për Komunikime Elektronike dhe Postare në përputhje me legjislacionin në fuqi.